Mjekja dhe mjeku i familjes

Mjekja ose mjeku juaj i familjes është pika e parë e kontaktit për të gjitha problemet shëndetësore. Ata zotërojnë njohuri të gjera mjekësore të përgjithshme dhe mund të dallojnë nëse simptomat tuaja janë shqetësime të lehta apo një sëmundje e rëndë.

Në shumë raste, mjekja ose mjeku juaj i familjes mund t'ju ndihmojë dhe ju nuk keni nevojë për kujdes të mëtejshëm. Nëse kjo do të jetë e nevojshme, mjekja ose mjeku juaj i familjes do t'ju referojë te mjekë të tjerë specialistë ose në spital.

Jashtë orarit të vizitave, shërbimi mjekësor i urgjencës është në dispozicion për shqetësimet tuaja shëndetësore. Përmes telefonit shëndetësor 1450, ju informoheni se cili mjek është në shërbim. Edhe shërbimi i urgjencës pediatrike është i arritshëm në Shtajermark përmes numrit 1450.

Një ofertë e re janë qendrat shëndetësore (të quajtura edhe „njësi të kujdesit parësor“). Mund të ndodhë që mjekja ose mjeku juaj i familjes të punojë në një qendër shëndetësore. Qendrat shëndetësore shpesh janë të hapura edhe në oraret skajore të ditës dhe të shtunave. Në një qendër shëndetësore, përveç mjekëve të familjes, punojnë edhe shumë profesionistë të tjerë shëndetësorë. Për shembull, personel infermieror, fizioterapistë, psikologë ose punonjës socialë.

Si rrjedhojë, ju si paciente ose pacient keni një ofertë më të gjerë. Shumë oferta kujdesi ose terapi i gjeni në të njëjtën ndërtesë ku ndodhet mjekja ose mjeku juaj i familjes. Edhe terapitë më të gjata mund të ofrohen dhe të përfundohen brenda këtij ekipi.

External content is hidden due to privacy reasons. It will be embedded after consent is given in the privacy settings.

Mann mit weißen Haaren und brauner Weste

Një shembull

Te Walter-i (60 vjeç) nga St. Peter am Ottersbach, para dy vitesh u konstatua tension i lartë i gjakut. Që atëherë, ai ka takime të rregullta kontrolli te mjekja e tij e familjes në qendrën shëndetësore Mureck. Atje kontrollohen vlerat e tij të tensionit dhe shihet nëse medikamentet e tij janë ende të duhura. Për këtë, atij nuk i duhet të shkojë çdo herë te mjekja ose mjeku, pasi shumë takime i merr përsipër personeli infermieror në qendrën shëndetësore. Kur Walter-i ka pyetje për tensionin e tij, ai telefonon në qendrën shëndetësore.

Në temën tonë shëndetësore do të gjeni përgjigje për pyetjet e shpeshta rreth qendrës shëndetësore.

Shërbimin e urgjencës së mjekut të familjes mund ta arrini përmes telefonit shëndetësor 1450 (nuk nevojitet prefiks!).
Përmes portalit të Shtajermarkut ordinationen.st mund të gjeni ambulanca mjekësore të hapura në rrethinën tuaj, të cilat janë të radhitura sipas distancës nga adresa juaj aktuale / e dhënë.
Me kërkimin e mjekëve të Odës së Mjekëve të Shtajermarkut, ju gjeni mjekë familjeje privatë pranë jush.
Deri në vitin 2025, në Shtajermark janë planifikuar 30 qendra shëndetësore (njësi të kujdesit parësor). Aktualisht (gjendja në gusht 2023) ekzistojnë lokacionet e mëposhtme:

Ndihmë dhe këshilla

Shërbimin e urgjencës së mjekut të familjes mund ta arrini përmes telefonit shëndetësor 1450 (nuk nevojitet prefiks!).
Përmes portalit të Shtajermarkut ordinationen.st mund të gjeni ambulanca mjekësore të hapura në rrethinën tuaj, të cilat janë të radhitura sipas distancës nga adresa juaj aktuale / e dhënë.
Me kërkimin e mjekëve të Odës së Mjekëve të Shtajermarkut, ju gjeni mjekë familjeje privatë pranë jush.
Deri në vitin 2025, në Shtajermark janë planifikuar 30 qendra shëndetësore (njësi të kujdesit parësor). Aktualisht (gjendja në gusht 2023) ekzistojnë lokacionet e mëposhtme: